ಟ್ವಿಟ್ಟರ್ ಲೋಗೊ 'ನೀಲಿ ಹಕ್ಕಿ' 29 ಲಕ್ಷ ರೂ. ಹರಾಜು

ಸಾಮಾಜಿಕ ಮಾಧ್ಯಮ ಟ್ವಿಟರ್ ಟೆಕ್ ದಿಗ್ಗಜ ಎಲಾನ್ ಮಸ್ಕ್ ಅವರ ಪಾಲಾಗುತ್ತಿದ್ದಂತೆ ಅದರ ಲೋಗೋ 'ನೀಲಿ ಹಕ್ಕಿ'ಯನ್ನು ಬದಲಾಯಿಸಲಾಗಿದೆ. ಈಗ ಟ್ವಿಟರ್ ಬದಲಿಗೆ 'ಎಕ್ಸ್' ಚಿಹ್ನೆಯನ್ನು ತರಲಾಗಿದೆ. ಅದೇ ವೇಳೆಗೆ ಮುಖ್ಯ ಕಚೇರಿಯಿಂದ ನೀಲಿ ಹಕ್ಕಿ ಲೋಗೋವನ್ನು ತೆರವುಗೊಳಿಸಲಾಗಿದ್ದು, 21 ಲಕ್ಷ ರೂಪಾಯಿಗೆ ಈ ಲೋಗೋ ಹರಾಜಾಗಿದೆ.

2023 ರಲ್ಲಿ ಎಕ್ಸ್ ಎಂದು ಮರುನಾಮಕರಣವಾದಾಗ ನಡೆದ ಹರಾಜಿನಲ್ಲಿ ಆ ಲೋಗೋವನ್ನು ಆರ್ ಆರ್ ಆಕ್ಷನ್ ಪಡೆದುಕೊಂಡಿತ್ತು. ಇದೀಗ ಆರ್ ಆರ್ ಆಕ್ಷನ್ ಮತ್ತೆ 'ನೀಲಿ ಹಕ್ಕಿ' ಲೋಗೋವನ್ನು ಮರುಹರಾಜು ಹಾಕಿದೆ. ಖರೀದಿದಾರರ ಗುರುತನ್ನು ಮಾತ್ರ ಬಹಿರಂಗಪಡಿಸಿಲ್ಲ. ಆದರೆ 12 ಅಡಿ ಉದ್ದ, 9 ಅಡಿ ಅಗಲ, 560 ಕೆಜಿ ತೂಕವಿರುವ ನೀಲಿ ಹಕ್ಕಿ ಚಿಹ್ನೆಯನ್ನು 2023ರ ವರೆಗೆ ಸ್ಯಾನ್ ಫ್ರಾನ್ಸಿಸ್ಕೋದ ಕಚೇರಿಯಲ್ಲಿ ಇಡಲಾಗಿತ್ತು.