ರೈಟ್ಸ್ ಅಲ್ಲಿ ವಿವಿಧ ಹುದ್ದೆಗಳ ನೇಮಕಾತಿಗೆ ಅರ್ಜಿ ಆಹ್ವಾನ

ರೈಲ್ವೆ ಇಂಡಿಯಾ ಟೆಕ್ನಿಕಲ್ ಅಂಡ್ ಎಕನಾಮಿಕ್ ಸರ್ವಿಸ್ ಲಿಮಿಟೆಡ್ (ರೈಟ್ಸ್) ಸಾರ್ವಜನಿಕ ವಲಯದ ಮಿನಿರತ್ನ ಉದ್ಯಮವಾಗಿದ್ದು, ಕೇಂದ್ರ ರೈಲ್ವೆ ಸಚಿವಾಲಯದ ಅಧೀನದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಈ ಸಂಸ್ಥೆಯು ಸಾರಿಗೆ ವಲಯದ ಮೂಲಸೌಕರ್ಯ ಹಾಗೂ ಸೇವೆಗೆ ಸಂಬಂಧಿಸಿದಂತೆ ಮೇಲ್ವಿಚಾರಣೆ ಕೈಗೊಳ್ಳುತ್ತದೆ. ಪ್ರಸ್ತುತ ರೈಟ್ಸ್ ಬೆಂಗಳೂರು ಮತ್ತು ಕೇರಳದಲ್ಲಿ ಖಾಲಿ ಇರುವ ಹುದ್ದೆಗಳನ್ನು ಭರ್ತಿ ಮಾಡಿಕೊಳ್ಳಲು ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ. ಈ ಹುದ್ದೆಗಳಿಗೆ ಅಭ್ಯರ್ಥಿಗಳು ಆನ್ಲೈನ್ ಮೂಲಕ ಮಾರ್ಚ್ 24ರ ಒಳಗೆ ಅರ್ಜಿ ಸಲ್ಲಿಸಬೇಕು.

ಈ ಕಂಪನಿಯಲ್ಲಿ ಹಲವು ಹುದ್ದೆಗಳು ಖಾಲಿ ಇದ್ದು ಅವುಗಳ ವಿವರ, ವೇತನದ ಬಗ್ಗೆ ಮಾಹಿತಿ ಇಲ್ಲಿದೆ. 

1.ಟೀಮ್ ಲೀಡರ್ (ಸೇಫ್ಟಿ):1 ಹುದ್ದೆ, ವೇತನ:70,000-2,00,000ರೂ.

2. ಟೀಮ್ ಲೀಡರ್ (ಮೆಕ್ಯಾನಿಕಲ್, ಎಲೆಕ್ಟ್ರಿಕಲ್, ಫ್ಲಂಬಿಂಗ್): 2 ಹುದ್ದೆ , ವೇತನ:70,000-2,00,000ರೂ.

3. ಪ್ರಾಜೆಕ್ಟ್ ಇಂಜಿನಿಯರ್(ಎಂಇಪಿ):12 ಹುದ್ದೆ, ವೇತನ:50,000-1,60,000ರೂ.

4. ಸೇಫ್ಟಿ ಇಂಜಿನಿಯರ್:2 ಹುದ್ದೆ , ವೇತನ: 40,000-1,40,000ರೂ.

5. ಜೂನಿಯರ್ ಇಂಜಿನಿಯರ್: 17 ಹುದ್ದೆಗಳು, ವೇತನ: 18,940-46,417ರೂ.

6. ವೈಯಕ್ತಿಕ ಸಲಹೆಗಾರ ರೆಸಿಡೆಂಟ್ ಇಂಜಿನಿಯರ್ (ಸಿವಿಲ್):1 ಹುದ್ದೆ, ವೇತನ: 80,000-1,25,000ರೂ.

7. ಪ್ಲಾನಿಂಗ್ ಇಂಜಿನಿಯರ್: 1 ಹುದ್ದೆ, ವೇತನ: 80,000-1,25,000ರೂ.

8. ಕ್ವಾಲಿಟಿ ಕಂಟ್ರೋಲ್ /ಮೆಟಿರಿಯಲ್ ಇಂಜಿನಿಯರ್ (ಸಿವಿಲ್):1, ವೇತನ: 80,000-1,25,000ರೂ.

9. ಸೇಫ್ಟಿ ಹೆಲ್ತ್ ಅಂಡ್ ಎನ್ವಿರಾನ್ಮೆಂಟ್ ಎಕ್ಸ್ಪರ್ಟ್:2 ಹುದ್ದೆ , ವೇತನ: 80,000-1,25,000ರೂ.

10. ಪ್ಲಾನಿಂಗ್ ಅಂಡ್ ಶೆಡ್ಯೂಲಿಂಗ್ ಎಕ್ಸ್ಪರ್ಟ್: 1 ಹುದ್ದೆ, ವೇತನ: 80,000-1,25,000ರೂ.

ಈ ಮೇಲಿನ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯ ಅಥವಾ ವಿದ್ಯಾಸಂಸ್ಥೆಗಳಿಂದ ಡಿಪ್ಲೋಮಾ, ಸಿವಿಲ್ ಇಂಜಿನಿಯರಿಂಗ್, ಎಲೆಕ್ಟ್ರಿಕಲ್/ ಮೆಕ್ಯಾನಿಕಲ್ ಇಂಜಿನಿಯರಿಂಗ್, ಎಂಎ, ಎಂಎಸ್ಸಿ ಅಥವಾ ತತ್ಸಮಾನ ವಿದ್ಯಾರ್ಹತೆಯನ್ನು ಪೂರ್ಣಗೊಳಿಸಿರಬೇಕು. ಹುದ್ದೆಗಳಿಗೆ ಅನುಗುಣವಾಗಿ ಕೆಲಸದ ಅನುಭವ ಹೊಂದಿರಬೇಕು.

ರೈಟ್ ಲಿಮಿಟೆಡ್ ನ ನಿಯಮಾನುಸಾರ ಅಭ್ಯರ್ಥಿಗಳ ಗರಿಷ್ಠ ವಯಸ್ಸು ಹುದ್ದೆಗೆ ಅನುಗುಣವಾಗಿ 55 ರಿಂದ 63 ವರ್ಷದೊಳಗಿರಬೇಕು. ಎಸ್ಸಿ ಎಸ್ಟಿ ವರ್ಗದ ಅಭ್ಯರ್ಥಿಗಳಿಗೆ 5 ವರ್ಷ, ಒಬಿಸಿ ವರ್ಗದ ಅಭ್ಯರ್ಥಿಗಳಿಗೆ 3 ವರ್ಷ, ಅಂಗವಿಕಲ ವರ್ಗದ ಅಭ್ಯರ್ಥಿಗಳಿಗೆ 10-15 ವರ್ಷ ವಯೋಸಡಿಲಿಕೆ ಅನ್ವಯವಾಗಲಿದೆ.

ಈ ಹುದ್ದೆಗಳಿಗೆ ಅಭ್ಯರ್ಥಿಗಳನ್ನು ಶಾರ್ಟ್ ಲಿಸ್ಟ್ ಮಾಡುವ ಮೂಲಕ ದಾಖಲೆ ಪರಿಶೀಲನೆಗೆ ಕರೆಯಲಾಗುತ್ತದೆ. ಅದರಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳನ್ನು ನೇರ ಸಂದರ್ಶನದ ಮೂಲಕ ಆಯ್ಕೆ ಮಾಡಲಾಗುತ್ತದೆ.

ಸಂದರ್ಶನ ನಡೆಯುವ ಸ್ಥಳದ ಬಗ್ಗೆ ಮಾಹಿತಿ: 

ವೈಯಕ್ತಿಕ ಸಲಹೆಗಾರ ಹುದ್ದೆಗೆ ಮಾರ್ಚ್ 26 ರಿಂದ ಮಾರ್ಚ್ 28 ರ ವರೆಗೆ ಸಂದರ್ಶನ ನಡೆಯಲಿದೆ. ಸಂದರ್ಶನ ನಡೆಯುವ ವಿಳಾಸ: Industry House, 5th floor, 45, Fairfield layout, Race course road, Bengaluru- 560001

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 23/3/2025. 

ಬಾಕಿ ಉಳಿದಿರುವ ಹುದ್ದೆಗಳಿಗೆ ಏಪ್ರಿಲ್ 21ರಿಂದ 25ರವರೆಗೆ ಸಂದರ್ಶನ ನಡೆಯಲಿದೆ. 

ಸಂದರ್ಶನ ನಡೆಯುವ ಸ್ಥಳಗಳು:

RITES Limited, Shikhar, Plot No.1, Sector-29, near IFFCO Chowk Metro Station, Gurugram- 122001, Haryana 

RITES LTD, ground floor, Calsar Heather Punnen Road, Opposite Hilton Hotel, Statue Thiruvananthapuram-695001

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ 24.3.2025 

ಹೆಚ್ಚಿನ ಮಾಹಿತಿ ಮತ್ತು ಅಧಿಸೂಚನೆಗಾಗಿ www.rites.com/Career ಪರಿಶೀಲಿಸಬಹುದಾಗಿದೆ.