ಉತ್ಪಾದನಾ ಕ್ಷೇತ್ರದ ಬೆಳವಣಿಗೆ ಸೂಚ್ಯಂಕ ಕನಿಷ್ಠ 56.3ಕ್ಕೆ ಕುಸಿತ

ದೇಶದಲ್ಲಿ ಉತ್ಪಾದನಾ ಕ್ಷೇತ್ರದ ಬೆಳವಣಿಗೆಯು ತನ್ನ ವೇಗವನ್ನು ಕಳೆದುಕೊಂಡಿದೆ. ಬೆಳವಣಿಗೆ ಸೂಚ್ಯಂಕವು ಜನವರಿಯಲ್ಲಿ 57.7 ಇದ್ದಿದ್ದು ಫೆಬ್ರವರಿಯಲ್ಲಿ 14 ತಿಂಗಳ ಕನಿಷ್ಠ 56.3 ಕ್ಕೆ ಕುಸಿದಿದೆ ಎನ್ನುವುದನ್ನು ಪರ್ಚೇಸಿಂಗ್ ಮ್ಯಾನೇಜರ್ ಇಂಡೆಕ್ಸ್ ಹೇಳಿದೆ.

ಆದರೆ ಐವತ್ತಕ್ಕಿಂತ ಹೆಚ್ಚಿನ ಯಾವುದೇ ಸೂಚ್ಯಂಕವು ಬೆಳವಣಿಗೆಯನ್ನು ಸೂಚಿಸುವುದರಿಂದ ವರದಿ ತಿಂಗಳಲ್ಲಿ ತಯಾರಿಕೆ ವಲಯದ ಒಟ್ಟಾರೆ ಬೆಳವಣಿಗೆ ವೇಗವು ಧನಾತ್ಮಕವಾಗಿಯೇ ಉಳಿದಿದೆ ಎಂದು ಎಚ್.ಎಸ್.ಬಿ.ಸಿ ಸೋಮವಾರ ತನ್ನ ಟಿಪ್ಪಣಿಯಲ್ಲಿ ತಿಳಿಸಿದೆ. ಹೊಸ ಆರ್ಡರ್ಗಳು ಮತ್ತು ಉತ್ಪಾದನೆಯಲ್ಲಿ ಅಲ್ಪ ಏರಿಕೆಯ ನಡುವೆ ಫೆಬ್ರವರಿಯಲ್ಲಿ ತೀವ್ರ ಕುಸಿತ ಕಂಡು ಬಂದಿದೆ ಎಂದು ಮಾಸಿಕ ಸಮೀಕ್ಷೆಯು ಹೇಳಿದೆ.