"ವಿಜಯ ದುರ್ಗ”ವೆಂದು ಮರುನಾಮಕರಣಗೊಂಡ ಪೋರ್ಟ್ ವಿಲಿಯಂ

ಭಾರತದಲ್ಲಿ ಇರುವಂತಹ ವಸಾಹತುಶಾಹಿ ಕುರುಹುಗಳನ್ನು ನಿವಾರಿಸಲು ಭಾರತ ಸರ್ಕಾರವು ಮಹತ್ವದ ಕ್ರಮವನ್ನು ಕೈಗೊಂಡಿದೆ. ಈ ಕ್ರಮದ ಭಾಗವಾಗಿ ಭಾರತೀಯ ಭೂ ಸೇನೆಯು ತನ್ನ ಪೂರ್ವ ಕಮಾಂಡ್ನ ಕೇಂದ್ರ ಸ್ಥಾನವಾಗಿರುವ ಕೋಲ್ಕತಾದ ಪೋರ್ಟ್ ವಿಲಿಯಂ ಅನ್ನು “ವಿಜಯ ದುರ್ಗ” ಎಂದು ಮರುನಾಮಕರಣ ಮಾಡಿದೆ.

ಈ ಮಹತ್ವದ ನಿರ್ಧಾರದ ಕುರಿತಾಗಿ 2024ರ ಡಿಸೆಂಬರ್ ತಿಂಗಳಲ್ಲೇ ತೀರ್ಮಾನ ಕೈಗೊಂಡಿದ್ದು ಮಿಲಿಟರಿಯ ಆಂತರಿಕ ಸಂವಹನಗಳಲ್ಲಿ ಹೊಸ ಹೆಸರುಗಳನ್ನೇ ಬಳಕೆ ಮಾಡಲಾಗುತ್ತಿದೆ. ಈ ಕುರಿತಾದ ಅಧಿಕೃತ ಘೋಷಣೆ ಮಾತ್ರ ಬಾಕಿ ಇದೆ. ಪೂರ್ವ ಕಮಾಂಡ್ ನ ಮರುನಾಮಕರಣದ ವಿಚಾರವನ್ನು ರಕ್ಷಣಾ ಸಚಿವಾಲಯದ (ಕೊಲ್ಕತ್ತಾ) ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ವಿಂಗ್ ಕಮಾಂಡರ್ ಹಿಮಾಂಶು ತಿವಾರಿ ಬುಧವಾರ ದೃಢಪಡಿಸಿದ್ದು ಡಿಸೆಂಬರ್ 2ನೇ ವಾರದಲ್ಲೇ ಈ ಕುರಿತ ಆದೇಶ ಹೊರಬಿದ್ದಿದೆ ಎಂದಿದ್ದಾರೆ.