ಮಕ್ಕಳನ್ನು ಇಂಟರ್ನೆಟ್ ವ್ಯಸನ ಮುಕ್ತರನ್ನಾಗಿಸಲು ಸಂಶೋಧನಾ ಕೇಂದ್ರ

ಇತ್ತೀಚಿನ ದಿನಗಳಲ್ಲಿ ಮಕ್ಕಳು ಹಾಗೂ ಯುವಕರು ಇಂಟರ್ನೆಟ್ ಹಾಗೂ ಸಾಮಾಜಿಕ ಜಾಲತಾಣಗಳ ವ್ಯಸನಕ್ಕೆ ಒಳಗಾಗುತ್ತಿದ್ದಾರೆ. ಧೂಮಪಾನ, ಮದ್ಯಪಾನಕ್ಕಿಂತಲೂ ಇಂಟರ್ನೆಟ್ ಅಮಲಿನಲ್ಲಿ ತೇಲಾಡುವ ಮಕ್ಕಳು ಹಾಗೂ ಯುವಕರ ಸಂಖ್ಯೆ ಮುಗಿಲು ಮುಟ್ಟಿದೆ. ಆದ್ದರಿಂದ ಯುವಜನರು ಹಾಗೂ ಮಕ್ಕಳಲ್ಲಿನಾ ಇಂಟರ್ನೆಟ್ ಹಾಗೂ ಸಾಮಾಜಿಕ ಜಾಲತಾಣಗಳ ವ್ಯಸನ ನಿಗ್ರಹಿಸಲು ದಿಲ್ಲಿಯ ಏಮ್ಸ್ ನಲ್ಲಿ ಸಂಶೋಧನಾ ಕೇಂದ್ರ ಆರಂಭಿಸಲು ಕೇಂದ್ರ ಸರಕಾರ ನಿರ್ಧರಿಸಿದೆ.

ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ಸಹಭಾಗಿತ್ವದಲ್ಲಿ ದಿಲ್ಲಿಯ ಅಖಿಲ ಭಾರತೀಯ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ಯುವಜನತೆ ಹಾಗೂ ಮಕ್ಕಳಲ್ಲಿ ಅಪಾಯಕಾರಿಯಾದ ವ್ಯಸನಕಾರಿ ನಡವಳಿಕೆ ಕುರಿತು ಅಧ್ಯಯನ ನಡೆಸಲು ಸುಧಾರಿತ ಸಂಶೋಧನಾ ಕೇಂದ್ರ ಸ್ಥಾಪಿಸಲು ನಿರ್ಧರಿಸಲಾಗಿದೆ. ಏಮ್ಸ್ ನ ನಡವಳಿಕೆ ಹಾಗೂ ವ್ಯಸನ ಅಧ್ಯಯನ ಕೇಂದ್ರದ ರೂವಾರಿ ಯತನ್ ಪಾಲ್ ಸಿಂಗ್ ಬಲ್ಹಾರ ನೇತೃತ್ವದಲ್ಲಿ ಯುವಜನ ಹಾಗೂ ‌ಮಕ್ಕಳ ವ್ಯಸನ ನಿಯಂತ್ರಣ ಕುರಿತು ‌ ಸಂಶೋಧನೆ ನಡೆಯಲಿದೆ.